Qazir bul aýmaqta 200-den astam bir qabatty aqshańqan úıler qaz-qatar tizilgen. Izgi bastama aıasynda jer telimderine kezekte turǵandar osynda qonys toılaryn atap ótpek. Az ǵana ýaqyttyń ishinde qala mańyndaǵy aıtaqyr jerge birkelki joba negizinde jańa úıler boı kóterdi.
«Memlekettik baǵdarlama 2017 jyldan bastap júzege asyrylyp keledi. Úılerdiń aýmaǵy 70-90 sharshy metrdi qamtıdy. Aýlalar túgeldeı abattandyryldy. Endi ınjenerlik jeliler tartylyp, joldar salynady», deıdi qalalyq qurylys bóliminiń sektor meńgerýshisi Marııam Muqasheva.
Baspana turǵyzýmen eki merdiger kompanııa aınalysady. «Zertteý SK» serkitestigi ózine tapsyrylǵan 72 úıdiń qurylysyn aıaqtasa, «Qurylys servıs SK» JShS 139 úıdiń 11-in salyp bitirgen. Qazir qaraǵaı qyrly bórenelerden qabyrǵa turǵyzý, shatyryn jabý sekildi jumystar qyzý júrgizilýde.
Merdigerlik kompanııanyń jobalaý-tehnıkalyq bóliminiń jetekshisi Tatıana Sıbagatýllınanyń sózine qaraǵanda, úılerdiń syrty saıdıngpen, al sendvıch panelder shynymaqtamen qaptalǵan.
Jańa baspanalar qalalyq ákimdikte jer telimderine kezekte turǵandarǵa beriledi. Bir sharshy metri 120 myń teńge turady.
Jer telimi kezeginde áli 7 myńǵa jýyq adam kezekte tur.
О́mir ESQALI,
«Egemen Qazaqstan»
Soltústik Qazaqstan oblysy
